Barcelona verban óók burka
2010-06-14 19:14
Barcelona – Barcelona sal die derde munisipaliteit in Spanje wees om die dra van die Islamitiese burka in openbare geboue te verbied, het dié stad se burgemeester, Jordi Hereu, Maandag gesê.
Hereu se dekreet sal na verwagting van toepassing wees op die dra van die nikaab, wat die hele liggaam bedek, behalwe die oë; sowel as die burka.
Die verbanning van dié kledingstukke het geen godsdienstige betekenis nie, het Hereu benadruk. Nie-godsdienstige drag wat die gesig bedek, insluitend valhelms en ski-maskers, sal ook nie meer in openbare geboue toegelaat word nie, het hy verduidelik.
Twee ander munisipaliteite in die noord-oostelike streek van Katalonië, Lleida en El Vendrell, het ook die dra van die burka en die nikaab verban.
Minstens ses ander munisipaliteite oorweeg tans soortgelyke stappe.
– Volg Nuus24 op Twitter
- Sapa-DPA