Bankrower toe 'n polisieman
2011-07-21 20:40
Praag – Die Tsjeggiese polisie sê hulle het
uiteindelik ‘n berugte bankrower vasgetrek, net om uit te vind dat hy ook ‘n polisiebeampte
is.
Die polisie het ‘n lasbrief vir die
inhegtenisneming van ‘n 46-jarige verdagte wat meer as R476 000 in vier
rooftogte gesteel het, uitgereik.
Die verdagte het blykbaar met elke rooftog homself
op een of ander manier vermom.
In een rooftog was hy aangetrek soos 'n werker,
met ‘n werkershoed en asemhalingsmasker.
Tydens ‘n ander bankrooftog het hy bloot ‘n
hoed en sonbril gedra om sy ware identiteit weg te steek.
‘n Interne ondersoek deur die Tsjeggiese
polisie het hulle op sy spoor gesit.
Volg Nuus24 op Twitter.
- Sapa-DPA