Bangladesj: Pornografie wys op lughawe
2010-12-20 13:34
Dhaka – Amptenare van Bangladesj het ‘n ondersoek geloods nadat ‘n pornografiese fliek op ‘n reuse-skerm gewys is by die land se besigste lughawe, het ‘n landdros Sondag gesê.
Honderde reisigers, vriende en familie wat by die Shahjalal Internasionale Lughawe gewag het was geskok toe die fliek Vrydagoggend vir vyf minute op die grootskerm vertoon was.
Die skerm word gewoonlik gebruik om dokumentêre flieks oor die kultuur en geografie van Bangladesj, ‘n konserwatiewe Moslemland, te wys.
“Die operateur is twee maande tronkstraf opgelê. Ons het die eienaars van die film ook ingeneem sodat die saak verder ondersoek kan word. Ons moet uitvind of daar enige kriminele doel agter dit was,” het landdros Siddiqa Akhter gesê.
Duisende mense gebruik daagliks die lughawe.
Volg Nuus24 op Twitter
- SAPA