Bangkok loop deur onder brande
2010-05-20 02:01
Bangkok – Brandstigters het altesaam 20 plekke in Bangkok aan die brand gesteek, insluistend ‘n massiewe inkopiesentrum, ‘n televisiestasie, ‘n bioskoop sowel as verskeie banke, het Thaise owerhede gesê.
“Ons het al ‘n hele paar oproepe ontvang van brande wat uitgebreek het,” het ‘n woordvoerder van die brandweer gesê.
Die regering het nou ‘n klokreël ingestel om sogenaamde Rooi Hemp-betogers onder beheer te kry.
Leiers van die sogenaamde Rooi Hemp-betogers het hulself Woensdag aan owerhede oorgegee. Hulle het aan hul ondersteuners gevra om terug te keer na hul huise ná ‘n dodelike aanval op hul kamp.
‘n Polisiewoordvoerder het gesê beamptes is in die stad ontplooi met die goedkeuring om enigeen te skiet wat hulle skuldig maak aan brandstigting, diefstal of onrus.
- Sapa-AFP
Volg Nuus24 op Twitter.