Bali: Duitser vas wat dagga sluk
2012-12-17 15:00
Denpasar, Indonesië – Owerhede op die Indonesiese eiland Bali het 'n Duitse burger in hegtenis geneem nadat hy glo 22 tablette, wat met dagga gevul is, ingesluk het.
Martin Robert Moeller (41) is Vrydag by die Ngurah Rai-lughawe voorgekeer, het 'n woordvoerder vir die lughawe, Made Wijaya, gesê.
"Amptenare het agterdogtig begin word omdat sy maag baie hard gelyk het," het Wijaya gesê.
Moeller is na 'n hospitaal geneem waar dokters 22 dagga-tablette in sy maag gevind het.
Indien Moeller skuldig bevind word kan hy die doodstraf opgelê word.
Wijaya het gesê die dwelmvonds, wat 288 gram weeg, het 'n geskatte straatwaarde van $17 800 (sowat R1,6 miljoen)
Moeller, 'n grafiese kunstenaar van die stad Castrop-Rauxel in die weste van Duitsland, het gesê hy het die dagga vir $800 in Bangkok gekoop vir persoonlike gebruik.
"Ek is so dom en ek is baie jammer," het hy gesê.
Volg
Nuus24 op Twitter.
