Babas sterf toe kliniek brand

2010-08-17 14:15

Boekarest – ‘n Brand het uitgebreek by ‘n kliniek in Boekarest en die lewens van vier pasgebore babas geëis, het die Mediafax-nuusagentskap  Dinsdag berig.

Sowat sewe ander babas veg steeds om hul lewe.

Die brand het Maandagaand uitgebreek in die hospitaalkamer  waar die pasgebore babas in broeikaste gehou word.

Drie babas het dadelik aan hul beserings beswyk en ‘n vierde het gedurende die verloop van die aand ook gesterf. Die ander sewe het erge brandwonde opgedoen.

Na bewering het die brand ontstaan weens ‘n fout met die kragtoevoer vir die lugversorging.

Owerhede ondersoek die voorval en probeer vasstel waarom personeel traag was om te reageer toe die brand oorspronklik ontstaan het.

Volg Nuus24 op Twitter.
 

- SAPA