Babas se geraamtes in trommel gevind
2010-08-19 05:02
Los Angeles – Die geraamtes van twee babatjies, toegevou in ‘n koerant uit die 1930’s, is in ‘n trommel in die kelder van ‘n woonstelblok in Los Angeles gevind.
Die geraamtes is Dinsdagaand in ‘n woonstelblok in die Westlake-area van Los Angeles gevind.
Die woonstelblok se bestuurder het die kelder skoongemaak, toe hy op die trommel afkom.
Hy het twee dokterstasse binne in die trommel gevind, met die oorskot van twee fetusse of babatjies in.
Een van die geraamtes is in ‘n 1933 uitgawe van die Los Angeles Times toegedraai en die ander in ‘n 1935 uitgawe van dieselfde koerant.
Daar was ook ‘n kaartjie vir die 1932 Olimpiese Spele in die trommel.
- Sapa - AP