Baba by hospitaaldeur gebore
2010-02-13 01:24
Kaapstad – Die dramatiese geboorte van ‘n baba wat by die deure van ‘n hospitaal gebore is, is deur 'n sekuriteitskamera vasgevang.
Caroline Meech (32) en haar man Mike het net betyds na die Royal Hampshire County-hospitaal in Winchester gegaan vir die geboorte van hul derde kind.
Soos Meech in die vroeë oggendure by die voorportaal van die hospitaal ingeloop het, kon sy nie ‘n tree verder gee nie, en het op die vloer neergeval.
Gelukkig het vroedvroue tot haar hulp gekom, en binne tien minute was haar dogtertjie Alice Hariet gebore, net binne die deure van die hospitaal.
Vir die volledige storie, besoek Sky.com