BP: Verskeie faktore het olieramp veroorsaak
2010-09-08 16:06
New Orleans - Die oliereus BP sê in 'n interne verslag verskeie maatskappye en werkspanne het bygedra tot die reuse-olielek in die Golf van Mexiko.
In 'n verslag van 193 bladsye wat Woensdag op die maatskappy se webtuiste gepubliseer is, beskryf die Britse maatskappy die voorval as 'n ongeluk wat weens 'n komplekse reeks meganiese foute, menslike oordeel, ingenieursontwerp, operasionele implementering en raakvlakke tussen spanne veroorsaak is.
Die verslag is deur 'n BP-span, gelei deur Mark Bly, BP se hoof van veiligheid en operasies, saamgestel.
BP se verslag is ver van die finale woord oor moontlike oorsake van die olieramp.
Verskeie afdelings van die Amerikaanse regering ondersoek ook die oorsaak van die olieramp.
Volg Nuus24 op
Twitter
- AP