Australiër, Nigeriër kry dalk doodstraf in Maleisië

2012-07-31 12:15

Kuala Lampur – ‘n Australiese verpleegster en ‘n Nigeriese man kan dalk die doodstraf opgelê nadat ‘n Maleisiese hof hulle skuldig bevind het aan dwelmhandel.

Emma Louise L’Aiguille (34) en Anthony Esikalam is skuldig bevind – twee weke ná polisie bekend gemaak het dat 1 kg tik in hul besit gevind is.

L’Aiguille was in trane tydens die verhoor en het vlugtig met Australiese amptenare gepraat voor die verhoor begin het.

Haar Australiese prokureur beweer sy is onskuldig en was selfs deur ‘n Maleisiese polisiebeampte geklap tydens haar ondervragings.

Dwelmhandel dra ‘n verpligte doodsvonnis in Maleisië. Honderde mense is in die dodesel in Maleisië, meestal vir aanklagte wat verband hou met dwelms.

Enige persoon wat minstens 50 gram tik in hul besit het, word as ‘n dwelmhandelaar beskou.

L’Aiguille was in ‘n motor saam haar medepligtige toe die polisie hul in hegtenis geneem het, het adv. Muhammed Shafee Abdullah in ‘n mediaverklaring gesê.

Polisie het aan L’Aiguille gesê hulle het later dwelms in die motor gevind.

Shafee sê twee ander Nigeriese mans was ook in die motor. Een van die mans is glo L’Aiguille se kêrel. Hulle het die motor gevlug net voor die verdagtes in hegtenis geneem was.

Geen verdere inligting was beskikbaar oor die Nigeriese man nie, omdat hy nie deur enige regsverteenwoordiger gehad het nie.

Sedert 1960 is meer as 440 mense, insluitend twee Australiërs wat in 1986 vir die handel van heroïen skuldig bevind is, al in Maleisië tereggestel.

– Volg Nuus24 op Twitter

- AFP