Australië wil hele nasie inent
2009-07-14 12:00
Sydney -Australië het sowat 21 miljoen siklusse van die entstof teen die H1N1-griep, wat nog ontwikkel word, bestel.
Waarskuwings van die Wêreldgesondheidsorganisasie (WGO) het begin instroom ná Brittanje, Brasilië, Colombia, Meksiko, die Filippyne en Thailand almal nuwe sterftes aangekondig het.
In Australië is daar tot dusver sowat 10 000 mense deur die virus geaffekteer en het dit tot die dood van sowat 19 mense gelei. Een gesondheidsamptenaar het selfs na die virus as ‘n ‘onkeerbare pandemie’ verwys.
Jim Bishop, die staat se hoof- mediese beampte, het die hoop uitgespreek dat die land teen Oktober ‘n landswye inentingsveldtog kan begin.
Australië het reeds die Suidelike Halfrond se winter betree en daar is vrese dat die virus in ‘n erger griep kan ontwikkel.
Suid-Korea, wat nog geen sterftes aangekondig het nie, het genoeg entstowwe om 13 miljoen mense in te ent, bestel. Hongkong, wat plat geslaan was deur die ernstige akute asemhalingsindroom (Eaas) in 2003, sal genoeg van die entstof om twee miljoen hoërisiko-pasiënte in te ent, bestel.
Wêreldwyd staan die sterftesyfer as gevolg van die H1N1-virus op 429 en daar word gehoop om ‘n entstof teen September vry te stel.
In Suid-Afrika is sowat 70 gevalle van die virus al bekend.