Aussies ontruim siek navorser in Antarktika

2012-08-09 14:19

Sydney – Matige weer die afgelope paar dae tydens Antarktika se erge winter het 'n Australiese vliegtuig in staat gestel om op 'n ysbedekte vliegveld by die Amerikaanse navorsingstasie McMurdo te land en 'n siek navorser te ontruim.

Australië het 'n Airbus A319 vanaf Christchurch in Nieu-Seeland op 'n vyf uur lange vlug na McMurdo gestuur, het die AAP-nuusagentskap Donderdag berig.

Die reddingspan het ná 'n uur op die grond, met hul pasiënt opgestyg.

Amerika se nasionale wetenskaplike stigting het op sy webtuiste gesê dat die ongeïdentifiseerde pasiënt "dalk 'n onmiddelike korrektiewe operasie benodig."

McMurdo is een van drie Amerikaanse navorsingstasies op die suidelik punt van Ross-eiland, sowat 3 800 km suid van Christchurch.

Volg Nuus24 op Twitter.

- Sapa-DPA