Aussie-ouma slaan bandiet met handsak weg
2011-05-27 14:11
Sydney – ‘n 89-jarige Australiese vrou het ‘n bandiet, wat ‘n mes by hom gehad het, met haar handsak weggestamp toe hy haar vriendin wou beroof.
Die vrou, wat onder die skuilnaam Jean bekend staan, het Vrydag gesê sy sou hom dood maak as sy kon.
Jean het Donderdag met twee vriendinne in ‘n ondergrondse parkeerterrein in Melbourne ná hul inkopies gesels toe ‘n man hul genader het.
Jean het hom dadelik weggestamp toe hy glo ‘n mes teen haar 82-jarige vriendin, Marie, se keel gehou het. Sy vertel dat die man Marie se handsak wou hê.
“Ek het gedink hy gaan haar dood maak en ek wou dit nie toelaat nie...” het Jean gesê.
“Ek het hom in die gesig met sy sak geslaan. Ek sou hom dood maak as ek kon.”
Die vrou met die mes teen haar keel het glo probeer om hom te skop.
Die man het in ‘n motor gevlug nadat ‘n manlike verbyganger die vroue probeer verdedig het.
Die ander vriendin wat 71 jaar oud is het die nommerplaat van die gesteelde motor gememoriseer voordat hy op die vlug geslaan het.
Die polisie sê die vroue het hulle baie beïndruk. Die handsak is nie gesteel nie en Marie het net ‘n klein sny aan haar hand opgedoen.
Volg Nuus24 op Twitter.
- Sapa - AFP