Aussie-gevangene in kroeg ‘wou net sy ma sien’
2010-08-25 09:41
Sydney - ‘n Gevangene wat die polisie by ‘n lughawe in die noorde van Australië ontglip het, is in ‘n kroeg met ‘n bier in die hand gevind met die bekentenis dat hy net graag sy ma wou sien.
Kayd Thorp (24) het in ‘n bosveld geskuil en deur ‘n spruit in Brisbane geswem om spanne wat ses uur lank na hom gesoek het, te ontduik. Hy is egter opgespoor in ‘n plaaslike kroeg.
“Ek dink hulle was nog besig om sy bier te skink toe hulle toegeslaan het,” het ‘n beampte aan die Courier Mail-koerant gesê. “Hy het nie eens kans gehad om die skuim af te blaas nie.”
Thorp sou op ‘n vliegtuig na die suidelike staat Victoria te klim om aanklagtes dat hy ‘n man in Februarie doodgeslaan het, aan te hoor.
Hy was nie geboei nie en het die polisiebeamptes ontglip toe hulle hul bagasie ingegee het.
Toe Thorp gevang is, het hy gesê hy wou net sy ma ‘n laaste keer sien voor hy Victoria toe moes gaan.
Dit is onduidelik of hy haar wél besoek het in die ses uur wat hy op die vlug was.
- Volg Nuus24 op Twitter
- Sapa - AFP