Aus-man se huis vir R8 000 op veiling verkoop

2012-02-09 12:55

Kaapstad – 'n Australiese man veg in 'n hof vir die behoud van sy huis wat op 'n veiling vir 'n skamele Aus$1 000 ( R8 160) verkoop is, het RSG Donderdag berig.

Die huis is deur die regering van Victoria teruggeneem oor agterstallige paaiemente van Aus$98  000 (R799 653).

Zhiping Zhou probeer nou om die verkoop van die huis in Melbourne nietig verklaar te kry.

Hy sê die huis se waarde is Aus$630 000 (R5,1 miljoen).

Die koper skop egter vas en sê dat die transaksie wettig is omdat geen reserweprys op die veiling gestel is nie.

– RSG

– Volg Nuus24 op Twitter