Aus: Vroue kan nou in voorste linies veg
2011-09-27 09:08
Canberra – Australië sal in die volgende vyf jaar alle beperkings op geslag in sy verdedigingsmag ophef posisies wat voorheen as te gevaarlik vir vroue beskou is, insluitende om in die voorste linies te veg, oopstel, het ‘n minister Dinsdag gesê.
Australië sal in Kanada en Nieu-Seeland se voetspore volg en vroue wat aan die fisieke en sielkundige vereistes voldoen sal enige rol in die verdedigingsmag kan speel, het die minister van verdediging, Stephen Smith, gesê.
“Hierdie is ‘n merkwaardige en groot kulturele verandering,” het hy aan verslaggewers gesê.
Vroue kan tans in 93% van die werk-kategorieë in die Australiese verdedigingsmag dien, wat insluit die weermag, vloot en lugmag.
Die kabinet het Maandag die besluit aanvaar en dit word deur leiers in die verdedigingsmag ondersteun, het Smith gesê.
– Volg Nuus24 op Twitter
- Sapa - AP