Aus: Vier in tronk vir kindermishandeling
2011-02-11 11:16
Kaapstad – Vier mense in Australië wat 'n groep kinders mishandel en so laat honger ly het dat hulle breine weens wanvoeding gekrimp het, is tronkstraf van tot tien jaar opgelê, het RSG berig.
'n Regter van die hooggeregshof in Adelaide sê die mishandeling is onverstaanbaar.
Die vyf jong kinders, wat tussen vier en sewe jaar oud was, is gewurg, gedwing om heeldag te staan met hulle hande op hulle koppe en is vir vier maande lank in 2008 net afvalkos gegee om te eet.
Die mishandeling by 'n vuil en chaotiese huis in een van Adelaide se voorstede het eers aan die lig gekom toe een van die kinders bewusteloos geraak het weens wanvoeding en hospitaal toe geneem is.
Lees meer hier.
Volg Nuus24 op Twitter.