Aswolk in Chili belemmer vlugte
2011-10-17 20:00
Rio de Janeiro – Lugvaartowerhede het gesê dat verskeie vlugte
in Argentinië, Brasilië, Chili en Uruguay weens ‘n aswolk in die suide van
Chili gekanselleer is.
Volgens ‘n verklaring deur die Brasiliaanse
lugrederye Gol en Tam, het die aswolk, wat deur die Puyehue-Cordon
Caulle-vulkaan veroorsaak is, Sondag
verskyn.
Die vulkaan is sedert Junie sporadies aktief.
Die verklaring het aangedui dat die probleem
lughawens in Rio de Janeiro en Sao Paulo in Brasilië, Buenos Aires in
Argentinië en Montevideo in Uruguay beïnvloed.
Beide internasionale én binnelandse vlugte
word geraak.
Lugrederye in Argentinië en Clili het ook
onderbrekings in hul dienste aangekondig.
Volg Nuus24 op Twitter.
- Sapa - AP