Assange mag verder teen uitlewering veg

2011-12-05 15:04

Londen – ‘n Britse hof het Julian Assange, stigter van WikiLeaks, toestemming gegee om sy regstryd teen sy uitlewering aan Swede voort te sit.

Die besluit beteken Assange hoef nie dadelik na Swede gedeporteer te word nie.

Sweedse amptenare wil hê hy moet voor die hof verskyn op aanklagte dat hy een vrou glo verlede jaar in Stockholm verkrag en ‘n ander seksueel gemolesteer het. Assange ontken die aantygings en sê dat die aanklagte polities gemotiveer is.

Hy sal nou na die hooggeregshof keer waar die finale bevinding gelewer sal word. Volgens AP het hy 14 dae om ‘n geskrewe versoek by die hooggeregshof in te handig.

Volg Nuus24 op Twitter