Brittanje dreig met 'geweld' oor Assange

2012-08-16 07:15

Quito – Ecuador sal Dinsdag sy besluit oor die WikiLeaks-stigter, Julian Assange, se asielaansoek aankondig, het Ricardo Patino, minister van buitelandse sake, gesê.

Intussen het Patino aan die nuusagentskap AP gesê Brittanje het gedreig om Ecuador se ambassade in Londen te bestorm om Assange in hegtenis te neem.

Hy het op 'n mediakonferensie gesê Ecuador het Woensdag 'n geskrewe dreigement van Brittanje ontvang indien Assange nie aan hom oorhandig word nie.

Patino het gesê die dreigement is by Ecuador se ministerie van buitelandse sake en die ambassadeur in Londen afgelewer.

Die 41-jarige Assange woon al sedert 19 Junie in Ecuador se ambassade in Londen om uitlewering aan Swede, waar hy deur die polisie ondervra gaan word oor beweerde seksuele misdrywe, te vermy.

Assange vrees deportasie na die Verenigde State, wat hom dalk kan aankla oor sy klikwebwerf se vrystelling van geheime dokumente.

– Volg Nuus24 op Twitter
 

- Sapa - AFP