Armeense presidentskandidaat geskiet

2013-02-01 11:07

Yerevan – ‘n Armeense presidentskandidaat is Donderdag deur ‘n onbekende man in die stad Yerevan geskiet.

Die presidentsverkiesing vind oor minder as ‘n maand in dié land plaas.

Paruyr Hayrikyan, hoof van die Union for National Self-Determination, is in Yerevan geskiet terwyl hy op pad huis toe was, het Achot Agaronian, ‘n polisiewoordvoerder, gesê.

Hy is in 'n hospitaal opgeneem ná hy in sy bors gewond is.

Armenië se huidige premier, Achot Agaronian en ander politici het Hayrikyan in die hospitaal besoek.

“Ek het met Paruyr Hayrikyan gepraat, die dokters sê sy toestand is bestendig,” het Ovik Abraamian, die parlementêre speaker, gesê.

Armenië se verkiesing vind op 18 Februarie plaas.

– Volg Nuus24 op Twitter
 

- Sapa - AFP