Argentinië maak gay-huwelike wettig
2010-07-15 15:31
Buenos Aires – Argentinië het Donderdag gay-huwelike wettig gemaak, wat die land die eerste in Latyns-Amerika maak om homoseksuele paartjies dieselfde wettige regte as heteroseksuele paartjies te gee.
Ná ‘n debat wat meer as 16 ure geneem het, het 33 mense vir die wet gestem terwyl 27 teen dit gestem het.
Drie mense het nie gestem nie.
Aangesien die wetsontwerp reeds goedgekeur is en president Cristina Fernandez ‘n ondersteuner daarvan is, sal dit nou die land se wet word.
Die wetsontwerp is goedgekeur ten spyte van die feit dat die Rooms Katolieke kerk en evangeliese groepe ‘n veldtog teen dit gehad het.
Senaat Norma Morandini, ‘n lid van Fernandez se party, het die diskriminasie teenoor gay mense vergelyk met die onderdrukking wat Argentinië se diktators dekades gelede op mense uitgeoefen het.
“Ons word deur menslikheid gedefinieer, maar onverdraagsaamheid hardloop teen ons menslikheid,” het Morandini gesê.
Argentinië is die eerste land in Latyns-Amerika wat homoseksuele huwelike landswyd wettig maak.
Gay en lesbiese mense kry nou dieselfde regte en verantwoordelikhede wat heteroseksuele mense het.
Mense in gay huwelike word onder meer toegelaat om kinders aan te neem en geld te erf.
Volg Nuus24 op Twitter.
- Sapa - AP