Arafat se weduwee vra vir ondersoek in sy dood

2012-07-10 19:41

Parys – Yasser Arafat se weduwee beplan om ‘n regsklag in Frankryk in te dien waarin sy amptenare vra om die dood van haar man te ondersoek.

Palestynse amptenare het Maandag hul finale goedkeuring gegee sodat die voormalige Palestynse leier se lyk opgegrawe kan word en het gevra vir ‘n internasionale ondersoek in sy dood in 2004 by ‘n Franse militêre hospitaal.

Arafat se weduwee, Suha, het onlangs aan Al Jazeera haar man se mediese lêer, en wat volgens haar sy besittings was, gegee.

Switserland se Instituut van Stralingsfisika het verhoogde tekens van polonium-210 –  'n seldsame en uiters dodelike stof – op Arafat se besittings gevind, maar het gesê die bevindings is onoortuigend.

Die prokureur Pierre-Olivier Sur het Dinsdag gesê Arafat se weduwee hoop ‘n ondersoek sal “die presiese omstandighede rondom (Arafat) se dood vasstel”.

– Volg Nuus24 op Twitter

 

- AP