Arafat se oorskot weer begrawe

2012-11-27 11:25

Ramallah – Die oorskot van die voormalige Palestynse leier, Yasser Arafat, is Dinsdag weer begrawe ná monsters geneem is om te bepaal of hy vergiftig is.

“Die operasie is afgehandel, die graf is weer toe en die monsters is aan die Franse, Russiese en Switserse wetenskaplikes oorhandig,” het amptenare van die Palestynse kommissie wat Arafat se dood ondersoek, gesê.

Die proses is van stapel gestuur om vas te stel of aantygings dat Israel die Palestynse leier vergiftig het, die waarheid is.

Arafat het in 2004 in Parys, Frankryk, gesterf. Volgens sy mediese rekords het hy ‘n beroerte gekry.

Sommige Palestyne is egter daarvan oortuig dat sy dood deur Israel bewerkstellig is.

Franse aanklaers het in Augustus ‘n moordondersoek van stapel gestuur ná berigte dat polonium op van Arafat se besittings gevind is.

– Volg Nuus24 op Twitter
 

- Sapa - AFP