Amnestie Internasionaal kritiseer die Rooms Katolieke Kerk
2011-05-13 21:02
Londen – Die Vatikaan kry dit nie reg om sy internasionale
verpligting teenoor kinders, na te kom nie, het Amnestie Internasionaal
gesê.
“Die Kerk het nogsteeds nie hul tweede verslag
aan die VN Konvensie oor die Regte van Kinders, wat in 1997 moes klaar wees,
ingehandig nie,” het Amnestie Internasionaal uitgebrei.
Dit is die eerste keer dat Amnestie
Internasionaal ‘n aparte afdeling oor die Vatikaan in sy jaarlikse verslag oor
menseregte insluit.
“Die Kerk het nie na bevrediging sy internasionale
verpligtinge ten opsigte van die beskerming van kinders, nagekom nie,” het
Amnestie in sy jaarlikse verslag oor menseregte gesê.
Die Rooms Katolieke Kerk was verlede jaar diep
in die verleentheid gedompel toe verskeie aanklagtes van seksuele mishandeling
deur kerkleiers in die VSA, België, Duitsland en Ierland oopgevlek die lig
gesien het.
Die verslag deur Amnestie Internasionaal het
Ierland fel gekritiseer en gesê ministers het nie daarin geslaag om sekere maatreëls,
waarop daar in 2009 ooreengekom is, te implementeer nie.
“Die beskerming van kinders is ondoeltreffend,
beide in terme van wetgewing en in die praktyk,” het die verslag gesê.
Volg Nuus24 op Twitter.
- SAPA