Amerikaanse televisie-aanbieder wurg glo sy vrou

2013-02-19 09:42

Darien – ‘n Televisie-nuusaanbieder is daarvan aangekla dat hy sy vrou by hul huis in Connecticut gewurg en gedreig het selfs ná die polisie hom in hegtenis geneem het.

Die polisie het Sondagoggend ‘n oproep van die WCBS-TV-aanbieder Rob Morrison se skoonma gekry oor 'n konflik in die paartjie se huis in Darien.

Morrison het volgens die polisie in 'n stadium sy hande om Ashley Morrison, CBS se nuusaanbieder vir finansiële sake, se nek gehad.

Die beamptes wat hom weggeneem het, het gesê hy het haar aanhoudend gedreig.

Sy het glo nie mediese behandeling nodig gehad nie.

Rob Morrison is op borgtog van $100 000 (R 879 990) vrygelaat en sal Dinsdag in die hof verskyn.

Die Morrisons het Maandag gesê die aantygings is “baie oordrewe”. Die familie se prokureur het gesê hulle gee hul samewerking aan beamptes.

– Volg Nuus24 op Twitter

 

- Sapa - AP