Al-Kaïda wil Engelse propaganda-koerant loods
2010-07-01 04:38
New York – Al-Kaïda beplan om hul eerste aanlyn-propaganda-koerant in Engels te loods.
Kenners sê dié koerant, wat Inspire genoem word, sal deur die groep se tak in Jemen bestuur word.
Dié groep is gekoppel aan Kersdag se mislukte poging om 'n Amerikaanse passasiersvliegtuig op te blaas.
Al-Kaïda het reeds die koerant begin bemark.
‘n “Spesiale geskenk aan die Islamitiese nasie” word op die webtuiste beloof.
Die groep het jare lank Arabiese webtuistes gebruik om hul boodskappe oor te dra.
Hulle het onlangs daarin geslaag om volgelinge binne die VSA te lok.
Daar word gevrees dat die groep se skuif na Engels hulle meer aanhangers in die VSA sal werf.
- Sapa - AP