Agt sterf toe trein skoolbus tref
2011-11-03 09:05
Buenos Aires – Sewe skoolmeisies en ‘n werkers van die skool is Woensdag dood toe ‘n goederetrein in San Luis in die weste van Argentinië in ‘n skoolbus vasgery het, het amptenare gesê.
Daar was 40 mense in die bus. Die meeste van hulle was meisies van ‘n privaat Katolieke skool wat op pad was na ‘n geestelike geleentheid, het die provinsie se minister van onderwys, Marcelo Sosa, gesê.
“Die trein het die bus meer as 300 meter ver gesleep,” het hy bygevoeg.
“Baie mense is beseer en talle van hulle sal moontlik amputasies moet ondergaan.”
Ses meisies en ‘n werker van die skool is op die toneel dood en ‘n ander skolier is later in ‘n intensiewesorgeenheid van ‘n plaaslike hospitaal dood, het ‘n provinsiale amptenaar aan AFP gesê.
– Volg Nuus24 op Twitter
- Sapa - AFP