Agent in Petraeus-saak oor wangedrag ondersoek

2012-11-13 10:24

Washington – Die FBI-agent wat aan die hoof was van die ondersoek wat tot die CIA-baas David Petraeus se afdanking gelei het, word nou self vir beweerde wangedrag ondersoek.

Die man, wat volgens die New York Times  'n top-generaal in Afganistan was, het na bewering kaalbolyf-foto's van homself na Jill Kelley gestuur, die vrou wat hom vir hulp gevra het nadat sy dreigende e-posse van Petraeus se minnares ontvang het.

Die FBI se ondersoekspan het ontdek dat die e-posse wat Kelley ontvang het deur Petraeus se biograaf, Paula Broadwell, gestuur is.

Broadwell het Kelley, 'n goeie vriend van die Petraeus-familie, glo daarvan beskuldig dat sy met die CIA-baas flankeer.

Die Wall Street Journal  het berig dat senior FBI-amptenare agterdogtig begin raak het omdat die agent "obsessief" begin word het oor die ondersoek, waarna die e-posse van sy kaalbolyf-foto's ontdek is.

Petraeus het Saterdag as direkteur van die CIA bedank nadat hy erken het dat hy 'n buite-egtelike verhouding met die 40-jarige Broadwell gehad het.

Lees verder.

Volg Nuus24 op Twitter.