Afpersing-bomme ruk dorp
2011-01-20 22:00
Makiyivka - Misdadigers het Donderdag twee bomme in die industriële ooste van die Oekraïene laat ontplof en ‘n afpersingsbrief gelos wat waarsku dat verdere ontploffings sal volg indien hulle nie vier miljoen euro’s (Sowat R38 miljoen) betaal word nie.
Die dorp Makiyivka, wat vir staal- en koolvervaardiging bekend is, was op hoë waaksaamheid nadat die waarskuwings aangedui het dat nóg vyf bomtoestelle reeds geplant is vir verdere ontploffings.
Geen nuwe ontploffings het egter plaasgevind ná die ultimatum-tydstip nie en die owerhede het die ongewone stap geneem om die som wat deur die afpersers geëis is, aan hulle oor te betaal.
Die owerhede kon egter nie verdere inligting verskaf oor wie vir die ontploffings verandwoordelik is nie.
- Volg Nuus24 op Twitter
- Sapa - AFP