Afgaanse soldaat gesoek ná aanval
2010-07-14 16:34
Kaboel – Die Afgaanse soldaat wat Dinsdag gevlug het nadat hy drie Britse troepe doodgemaak het, word tans gesoek.
Die weermaghoof van Afganistan het belowe om die voorval ten volle te ondersoek.
Brittanje, wat saam met die VSA teen die Taliban veg, sê hulle sal nie die manier verander waarop hulle die plaaslike militêre magte help nie.
Die aanval op die Britte het gebeur toe 'n granaat na 'n groep internasionale magte gevuur is.
Brittanje het sowat 10 000 soldate in Afganistan as deel van die magte wat internasionale sekuriteit bied en deur die Navo gelei word. Hulle veg saam teen die Islamitiese Taliban.
Volg Nuus24 op Twitter.
- Sapa - AFP