Aardbewing tref Mexiko
2010-04-05 01:12
Herman Eloff
Kaapstad – ‘n Reeks aardbewings het die Stille Oseaan aan die kus van Amerika en Mexiko Maandagoggend omstreeks 00:40 (SA-tyd) getref.
Die grootste skudding van 7.2-grootte is in Baja California in noordwes Mexiko gevoel.
Volgens CNN het die skudding tot sover as Los Angeles en San Diego gestrek.
Die middelpunt van die aardbewing was sowat 175km suidoos van Tijuana, het die Amerikaanse Geological Survey (USGS) gesê.
Sapa het berig dat die brandweerdienste in Los Angeles verskeie mense uit hysbakke moes red. Daar is nog geen dadelike berigte van ernstige skade nie.
Bekendes soos Ashton Kutcher en Adam Lambert het binne sekondes na die aardbewing daaroor getweet op die sosiale netwerk Twitter.
“Het sopas ‘n aardbewing in Los Angeles gevoel wat in Mexiko plaasgevind het,” het Kutcher geskryf.
- Nuus24