Aardbewing tref Japan, kernaanleg stabiel
2011-11-20 09:55
Tokio – ‘n Skudding wat 5.2 gemeet het, het die ooste van Japan getref.
Die Fukushima-kernaanleg wat in Maart in 'n aardbewing erg beskadig is, is egter stabiel.
Volgens die Amerikaanse geologies opname (USGS) het die aardbewing Sondagoggend om 03:23 (SA tyd) ontstaan.
Geen skade of beserings is aangemeld nie. 'n Tsoenami word ook nie verwag nie.
Die middelpunt van die aardbewing was op Ibaraki, wat sowat 136 km vanaf die hoofstad, Tokio, geleë is.
'n Aantal naskokke het in die streek voorgekom sedert die ramp in Maart wat die lewens van bykans 20 000 mense geëis het.
Volg Nuus24 op Twitter
- Sapa - AFP