Aardbewing tref Italië, skud geboue

2013-02-17 10:35

Rome – ‘n Skudding wat 4,8 gemeet het, het die naweek die sentrale deel van Italië geteister.

Volgens berigte het woonstelblokke in Rome se middestad geskud. Inwoners van die Abruzzo-streek – wat in 2009 deur ‘n reuse-aardbewing getref is – is ook op hol gejaag.

Die land se geofisiese stigting sê die aardbewing het in Frosinone plaasgevind, wat tussen die hoofstad en die stad Naples in die suide van die land geleë is.

Niemand is beseer nie en geen skade is tot dusver aangemeld nie.

Volg Nuus24 op Twitter 

- Sapa - AFP