Aardbewing in Turkye eis minstens sewe

2011-11-10 10:21

Ankara – Minstens sewe mense is dood en tientalle is steeds vasgekeer nadat ‘n aardbewing wat 5.7 gemeet het die ooste van Turkye geruk het, het die land se rampbestuur Donderdag gesê.

Reddingswerkers het 23 oorlewendes van onder die puin van drie geboue gehaal

Besir Atalay, die land se adjunk-eerste minister, het gesê Woensdag se aardbewing het 25 geboue in die stad Van inmekaar laat val, maar slegs drie van die geboue was beset. Die ander geboue was ontruim nadat dit skade gely het in verlede maand se kragtige aardbewing.

Atalay het Donderdag gesê die reddingswerk is nou gefokus op die plek waar twee hotelle en ‘n woonstelblok inmekaar gesak het

Volgens die rampbestuur-eenheid is 23 oorlewendes, sowel as die lyke van sewe mense, reeds onder die puin uitgehaal.

Op 23 Oktober het ‘n aardbewing wat 7.2  gemeet het die lewens van meer as 600 mense in dieselfde omgewing geëis.

– Volg Nuus24 op Twitter

 

- Sapa - AP