Aanval eis drie van Al-Kaïda in Jemen

2012-11-08 16:57

Sanaa – Drie beweerde lede van Al-Kaïda is Donderdag in ‘n aanval naby Jemen se hoofstad dood, het sekuriteitsbeamptes gesê.

Die aanval, wat glo deur die VSA uitgevoer is, het ‘n motor naby Beit al-Ahmar geteiken.

Drie mense is dood en twee is gewond, het sekuriteitsbeamptes gesê.

Een van die drie slagoffers is volgens berigte Adnan al-Qadhi, wat gesoek word vir ‘n motorbom-aanval by die Amerikaanse ambassade in Jemen in 2008. Ses soldate en vier burgerlikes is in dié aanval dood.

Soldate in Jemen wat deur Amerikaanse militêre personeel ondersteun word, is al sedert April besig om insurgente wat bande met Al-Kaïda het, uit die land te dryf.

Die rebelle veg egter hard terug, met veral bomaanvalle wat gereeld plaasvind.

– Volg Nuus24 op Twitter
 

- Sapa - AFP