94 jaar na dood onskuldig bevind
2009-10-14 18:41
South Carolina- Twee swart mans wat in 1913 dood is nadat hulle skuldig bevind is vir die moord van ‘n wit man is hierdie week vrygespreek van die daad.
Die twee broers Thomas en Meeks Griffin het sowat 94 jaar gelede in die elektriese stoel gesterf nadat hulle skuldig bevind is vir die moord van ‘n 73-jarige man.
Volgens die bewyse is die twee broers en twee ander mans van die moord aangekla nadat ‘n man teen hulle getuig het om sy eie lewe te red. Dit het eers later aan die lig gekom dat die ooggetuie die bewyse verdraai het.
‘n Radio-aanbieder, Tom Joyner, wat ‘n afstammeling van die oorledenes is het aanspraak daarop gemaak dat die staat sy voorgeslagte vryspreek.
Joyner het uitgevind van die gebeurtenisse toe hy ‘n dokumentêr getiteld; “African American Lives 2”, gekyk het.
“Hierdie sal hulle nie terug bring nie, maar dit sal vrede bring,” het hy gesê.
–Sapa