81-jarige blaas glo homself op
2010-09-07 23:47
Alabama – ‘n 81-jarige man het volgens die polisie gesterf in ‘n ontploffing wat hy met opset veroorsaak het in sy kamer op die derde vloer van ‘n ouetehuis.
Larry Gene Thurman is volgens die polisie Maandagnag by Summer Manor Apartments in Decatur, Alabama, dood. Die kompleks word bestuur deur die Decatur Housing Authority.
Sers. Roger Archer het Dinsdag gesê Thurman het met opset die tuisgemaakte toestel laat ontplof.
Die behuisingsowerhede het ongeveer 75 inwoners na ‘n nabygeleë motel ontruim. Beamptes het gesê een inwoner met ‘n mediese kwaal is as voorsorgmaatreël na ‘n hospitaal geneem.
Ondersoekers is nie seker hoe Thurman die ontploffing laat afgaan het of wat die motief was nie.
- Sapa - AP