80-jarige smokkel dwelms

2011-07-02 07:33

Wene. – ’n 80-jarige vrou is tot twee jaar tronkstraf gevonnis nadat sy vir haar seun dwelms uit Nederland na Oostenryk gesmokkel het.

Die seun het in ’n hof in Innsbruck getuig hy kon die dwelms weens swak gesondheid nie self insmokkel nie.

“Mamma het dit nie gedoen om ’n wins te maak nie; sy het dit gedoen omdat sy lief is vir my,” het hy aan die hof gesê.

Die hof het bevind die vrou het oor ’n tydperk van twee jaar 1,5 kg heroïen en ’n halwe kilogram kokaïen gesmokkel. Die seun is ook daaraan skuldig bevind dat hy die dwelms verkoop het en is tot agt jaar tronkstraf gevonnis.

– Sapa-DPA

– Volg Nuus24 op Twitter

- Beeld