72 miljoen vlugtelinge regoor die wêreld

2012-10-16 17:00

Genève – Sowat 72 miljoen mense regoor die wêreld is uit hul huise verdryf weens konflik, natuurrampe of ontwikkelingsprojekte, het die Rooikruis Dinsdag gesê.

Sowat 16,4miljoen van die mense het na ander lande gevlug en het amptelik vlugtelingstatus. Sowat 41,4 miljoen bly steeds in hul tuislande, het die Internasionale Federasie van die Rooi Kruis (IRFC) gesê.

Die res van die mense is vlugtelinge wat nie geregistreer het nie of wie se aansoek om vlugtelingstatus misluk het.

Sowat 20 miljoen mense woon in sogenaamde verlengde verplasingsgebiede.

In 2010 was daar 101 miljoen vlugtelinge in die wêreld, in 2009 sowat 75 miljoen en in 2008 sowat 92,3 miljoen.

– Volg Nuus24 op Twitter
 

- Reuters