60 sterf in Europa se koue
2010-12-03 23:00
Londen – Minstens 60 mense is in Europa dood as gevolg van die huidige kouefront, met sneeu wat vervoer in Brittanje Vrydag gekniehalter het en reuse-vloede in die Balkan wat tot groot ontruimings gelei het.
Sewentien mense is in die laaste 24 uur in Sentraal Europa as gevolg van die koue dood.
Elf ander mense is in Rusland dood, drie in Frankryk en een in Duitsland, het plaaslike amptenare gesê.
Minstens 30 mense, meestal hawelose mans, is in die afgelope week in Pole dood met temperature wat oornag na -15 grade Celsius gedaal het.
Temperature het tot -20 grade Celsius gedaal in Braemaer, Skotland, terwyl Brittanje gesukkel het om weer op sy voete te kom ná dae se vervoer-chaos.
Londen se Gatwick-lughawe het Vrydag ná twee dae wat dit as gevolg van swaar sneeu gesluit was heropen, terwyl Londen se Heathrow en Glasgow gewaarsku het dat daar nog vertragings en kansellasies van vlugte kan wees.
Sowat 2 000 skole was steeds gesluit.
Volg Nuus24 op Twitter
- Sapa - AFP