44 miljoen wêreldwyd ontwortel weens konflik

2011-06-20 17:58

Oslo – Die getal mense wat wêreldwyd weens konflik uit hul huise gedwing is, het in 2010 tot 44 miljoen gestyg – die hoogste vlak in ‘n dekade, het ‘n verslag van die Noorse Vlugtelingraad Maandag op Internasionale Vlugtelingedag gelui.

Die som van 43,7 miljoen mense sluit burgerlikes wat vorige jare uit hul lande gevlug het, maar nog nie terug gekeur het nie, in.

Sowat die helfte van dié wat as binnelands ontwortel geklassifiseer is, is van vyf lande afkomstig – Colombia, Soedan, Irak, die Demokratiese Republiek van die Kongo en Somalië.

“Daar is geen rede vir optimisme nie,” het die organisasie se sekretaris-generaal, Elizabeth Rasmusson, gesê.

“Daar is geen aanduiding dat die getalle verbeter kan word nie,” het sy bygelas.

Natuurrampe het ook tot die ontworteling van meer as 42 miljoen mense in 2010 gelei – twee en ‘n half keer meer as die vorige jaar, het ‘n ander verslag van die organisasie gelui.

Volg Nuus24 op Twitter.
 

- Sapa - AFP