300 000 Haweloos ná aardbewing
2010-01-15 22:40
Geneva - Ongeveer 300 000 mense is haweloos gelaat na die verwoestende aardbewing in Haïti, het die Verenigde Nasies (VN) Vrydag gesê.
‘n Helikopter opname deur die VN het bevind dat sommige gebiede tot soveel as 50% skade gelei het.
“Daar word geskat dat 10% van die huise in Port-au-Prince in die slag gebly het. Dit beteken dat ongeveer 300 000 mense haweloos gelaat is,” het Elisabeth Byrs, woordvoerder van die Verenigde Nasies se humanitêre koördineringskantoor, gesê.
Volgens ‘n verslag wat vrygestel is, het sowat 3,5 miljoen mense in die dele gewoon, wat deur die dodelike aardbewing getref is.
Die soek- en redding na oorlewendes duur steeds voort, terwyl kos, skoon water en sanitasie ook krities is.
Ongeveer 20 lande, organisasies en maatskappye het sover hul steun aan Haïti gegee.
- AFP