3 000 gestrand ná brand op plesierskip

2013-02-12 07:00

Washington – Meer as 3 000 mense is gestrand nadat 'n brand in die enjinkamer van 'n plesierskip uitgebreek het, Carnival Corp. Maandag gesê.

Altesaam 3 143 passasiers was ten tyde van die voorval aan boord van die skip, maar niemand is beseer nie.

Die luukse plesierskip, Triumph, wat deur die Brits-Amerikaanse maatskappy Carnival Cruises besit word, word deur die Amerikaanse kuswag na land gesleep. Die skip was op pad na Texas aan die suidelike kus van die Verenigde State.

Ander plesierbote het kos en water by die gestrande skip afgelewer.

– Volg Nuus24 op Twitter

- Sapa - AP