28 lede van dwelmsindikaat vas
2011-09-05 21:55
Sao Paolo – Die Brasiliaanse polisie het 28 lede van ‘n
internasionale dwelmsindikaat wat dwelms tussen Brasilië en Europa smokkel, in
hegtenis geneem.
Beslag is op ongeveer 70 000 ecstacy-tablette, 28 000
LSD-pille en 12 kg kokaïne gelê sedert die aanvang van Operation Voyage in
Februarie.
Klopjagte in vyf state het tot die
inhegtenisneming van 28 mense gelei.
Baie van dié wat vasgetrek is, is middelklas-jeugdiges wat kokaïne van Brasilië na Europa gesmokkel het en sintetiese
dwelmmiddels teruggebring het.
Indien hulle skuldig bevind word, kan hulle vir
tot 25 jaar tronk toe gaan.
Volg Nuus24 op Twitter.
- Sapa - AFP