27 gevangenes ontsnap in Peru

2013-01-02 14:55

Lima – Minstens 27 gevangenes het uit ‘n berugte tronk in Peru ontsnap, het amptenare Dinsdag gesê.

‘n Groep van 13 mense het op Oujaarsaand ontsnap, terwyl 14 ander ook Dinsdag ontsnap het toe gevangenes die wagte oorrompel het, het Jorge Sanz, ‘n staatsaanklaer, gesê.

Altesaam agt van die gevangenes is weer in hegtenis geneem.

Een tronkbewaarder is afgedank en verskeie wagte is na ander tronke oorgeplaas. ‘n Ondersoek na die voorval is ook van stapel gestuur om te bepaal of die ontsnaptes hulp gekry het van die wagte.

Die tronk is ontwerp om 370 gevangenes te huisves, maar huisves op die oomblik 1 000 mense.

Plaaslike inwoners het gekla dat die tronk ‘n deurlopende gevaar vir hulle inhou en dring daarop aan dat die fasiliteit gesluit word.

– Volg Nuus24 op Twitter 
 

- Sapa - AFP