26 sterf toe bus omslaan
2010-07-26 10:36
Kandahar – ‘n Passasiersbus het Maandagoggend in die suide van Afganistan omgeslaan en die lewens van sowat 26 persone geëis, het die plaaslike polisie gesê.
Die bus het van die pad afgery in die Daman-distrik, suid van Kandahar-stad, en daarna omgeslaan.
Volgens Mohammadullah Khan, hoof van die provinsiale verkeerspolisie, is verskeie ander persone ook in die ongeluk beseer.
Hy kon egter nie bevestig hoeveel passasiers aan boord die bus was gedurende die ongeluk nie.
Na bewering was die bus na Kaboel onderweg en het die bestuurder die spoedbeperking oorskry.
Volg Nuus24 op Twitter.
- Sapa - AFP