25 beseer in aanval op polisiestasie
2010-09-03 09:33
Dushanbe – Minstens 25 mense is beseer nadat ‘n motor wat met plofbare toestelle gevul was Vrydag by ‘n polisiestasie in Tadjikistan ingejaag het, het amptenare van binnelandse sake gesê.
“’n Motor vol plofstof het in die regtervleuel van die georganiseerde misdaad-afdeling vasgejaag,” het ‘n woordvoerder gesê.
Die voorval het in Khujand in die noorde van die land plaasgevind.
“Volgens voorlopige inligting is die hoeveelheid beseerde polisiemanne wat na hospitale in Khujand geneem is, 25,” het ‘n polisiebeampte op die voorwaarde van anonimiteit gesê.
Die ontploffing kom ‘n dag ná Tadjikistan se president, Emomali Rakhmon, sy langtydige sekuriteitsbaas afgedank het ná ‘n voorval verlede maand waarin 25 militante wat met Al-Kaïda verbind is uit ‘n tronk ontsnap en ses wagte doodgemaak het.
Meeste van hierdie gevangenes is nog op vrye voet.
Volg Nuus24 op Twitter
- Sapa - AFP