21 beseer in treinongeluk in Portugal

2013-01-22 17:30

(Miguel Teixeira, AP)

Lissabon – Altesaam 21 mense is beseer toe ‘n hoëspoedtrein agter in ‘n plaaslike trein vasgery het wat in sentraal-Portugal gewag het om by ‘n stasie in te ry.

Verskeie treinwaens het ontspoor in Maandag se ongeluk en ‘n hoop puin het op die land se noord-suid-lyn agtergebly.

Volgens beamptes het die plaaslike trein gewag om ‘n stasie naby Coimbra, 200 km noord van die hoofstad Lissabon,  binne te gaan toe die hoëspoedtrein, wat tussen stede beweeg, agter teen hom vasgery het.

Die ongeluk het omstreeks 21:15  GMT plaasgevind.

Alvaro Santos Pereira, die minister van vervoer, het Dinsdag gesê hy het beveel dat die oorsaak van die ongeluk ondersoek word en ‘n voorlopige verslag word binne drie dae verwag.

– Volg Nuus24 op Twitter

- Sapa - AP