200 vlieëniers se vlieggeskiedenis vervals
2010-09-06 22:42
Sjanghai - Beamptes in China het bevind dat 200 vlieëniers hul vlieggeskiedenis vervals het, met meer as die helfte van hulle wat werksaam is by die moedermaatskappy van 'n lugredery wat betrokke is in China se ergste vliegramp in onlangse jare, het 'n verslag Maandag onthul.
Die uitslae van ondersoeke in 2008/09 het getoon dat lugrederye wat desperaat is vir personeel, vlieëniers wat se besonderhede vervals was, aangestel het, het Li Jiaxiang, hoof van die Burgerlugvaart (administrasie) van China aan China Business News gesê.
Dié verslag kom ná dié agentskap ondersoek ingestel het na 'n vliegramp op 24 Augustus wat die lewens van 42 mense geëis het en 52 mense beseer is.
'n Vliegtuig van Shenzhen Airlines was betrokke in die ramp.
Dít was China se ergste kommersiële vliegramp in sowat ses jaar.
'n Personeellid wat die telefoon by Shenzhen Airlines beantwoord het, het gesê dié maatskappy het glo 103 vlieëniers met vervalste werkgeskiedenis op die betaalrol, maar het gesê hy weet niks van die verslag nie.
- AP